Охрид продолжува со „нулите“ откако во рамки на 10. коло на EPC (eFootball Pro Champions) одигра 0:0 против Тим Исајдерс и ги подели бодовите.
Одново завршниот пас беше проблем за „рибарите“ кои некакко „традицијално“ започнаа да ги нижат „нулите“, а на овој меч може да жалат за пропуштените шанси. Во самиот финиш од мечот Охрид создаваше шансите и притисок кон голот на противникот, а во судиското надополнување „рибарите“ не реализираа стопроцентна шанса… на крај мораа да се задоволен само со бод, наместо да го имаат целиот „плен“.
Останува уште едно коло од регуларниот дел, а потоа ќе следува плеј-оф битката. Охрид е во игра за плеј-офот и засега го има во свои раце. Во следното коло ќе игра со Омладинац, со триумф секако ќе биде обезбеден плеј-офот, но има и други математики, ако Охрид одново „традиционално“ одигра „нула“.
Инаку лигата се игра во популарниот 3 на 3 мод, „рибарите“ играат во состав Иван Иванов, Вук Алексиќ и Милорад Зовичевиќ, но на денешниот меч Иванов не можеше да настапи за Охрид и тоа беше донекаде хендикеп, знаејќи ги квалитетите на радовишанецот.
Натпреварите може да се следат во живот на Arena eSport ТВ каналот, како и на нивниот официјален YouTube канал, а Спортска Мрежа е медиумски покровител на тимот на Охрид.
