Екипата на Спартмани никако да погоди, откако денес во Балдовци ремизираше играјќи 2:2 против Дрвош за делба на бодовите, а во рамки на 10. коло на Општинската фудбалска лига.
Во радовишко Злеово немаше победник откако Слога и Огражден ги поделија бодовите меч со два погодоци (1:1).
Лидерот Интер Кукла немаше проблеми на гостување во Радово каде со 1:3 го доби составот на Напредок.
Ефикасен меч се одигра во Пиперово каде Илинден со 3:4 го доби домаќинот Единство.
Интер Кукла останува на врвот со 23 бодови и ја зголеми предноста на плус четири во однос на Огражден кој е втор со 19 бодови, а пак Слога е трет со 18 бодови.
Спартмани е четврт и има 17 бодови, а пак Илинден од Добрејци е петти со 16 бодови, додека пак Дрвош е шести со 14 бодови. На долниот дел нема промени Единство е претпоследен со три бодови, а пак Напредок е на дното со ист број на бодови.
