Капитенот на Беласица, Александар Милушев, денеска испиша нова страница во клупската историја, откако го одигра својот 250-ти натпревар во „плаво-белиот“ дрес.
Милушев важи за вистинска легенда на Беласица и на струмичкиот фудбал, пример за посветеност, лојалност и инспирација за помладите генерации фудбалери.
Пред денешниот натпревар против Брегалница, претседателот на клубот, Славчо Васков – Пинда, му врачи врамен дрес со бројот 250, како признание за неговиот значаен јубилеј.
Со овој гест, Беласица уште еднаш потврди дека е клуб кој знае да им оддаде почит на своите фудбалери и клупски легенди.
Инаку, 38-годишниот Милушев во својата кариера беше и младински репрезентативец на Македонија.
