Денес со два натпревари се отвара 30. коло на Првата македонска фудбалска лига, а за истите натпревари делегирани се и судиите кои ќе треба да ја делат правдата.
Во Кратово се игра дерби меч меѓу Силекс и Шкендија, каде Игор Стојчевски ќе биде главен арбитар, а негови асистенти ќе бидат Филип Ицковски и Мартин Петковски, додека пак четврт судија ќе биде Александар Василевски.
ВАР судија ќе биде Бењамин Ќерими, а пак АВАР ќе биде Мартин Дејаноски. Оператор за повторување на снимката ќе биде Петар Мукоски
Делегат на овој меч ќе биде Горан Илиќ, а пак Бранко Манојлоски ќе биде контролор.
Во Ѓорче ќе се одигра мечот меѓу Шкупи и Македонија ЃП, а главен судија на овој натпревар ќе биде Марјан Стојановски, негови помошници ќе бидат Куштрим Лика и Идриз Идризи, а пак четврт судија е Александар Грујоски.
Во ВАР собата ќе бидат Јован Качевски и Вјолца Изеири, а пак Жарко Пејковски ќе биде оператор за повторување на снимката.
Делегат на средбата ќе биде Алберт Јакупи, а Тони Глигоров ќе биде контролор.
Двата натпревари стартуваат во ист термин од 16 часот.
