ОФИЦИЈАЛНО: Вардар Неготино испадна во Трета лига

Денес и официјално испадна петтиот клуб од Втора во Трета лига со што ги имаме сите екипи кои директно се преселија во понизок ранг на натпреварување, сега останува само борбата за опстанок преку бараж.

На четири кола до крајот како што и анализиравме во претходниот период екипата на Вардар Неготино и официјално испадна во Третата македонска фудбалска лига – Југ.

На четири кола до крајот „винарите“ и математички не успеаја да се изборат за опстанок и испаѓаат директно во Трета лига – Југ.

Тимот по 26 кола е на 12. место на табелата со 19 бодови, додека пак Каменица Саса е на 11. место со 32 бодови или во бараж зоната, а бодовната разлика меѓу овие две екипи е 13 бодови, а во игра до крајот остануваат уште 12 бода, што значи дека Вардар Неготино од денес и официјално е нов третолигаш.

По три сезони во Втора лига, Неготино од следната сезона ќе гледа третолигашки фудбал. Првата сезона по враќањето во Втора лига, Вардар Неготино имаше фантастична сезона и висок пласман, минатата сезона на неколку кола до крајот беше изборен опстанокот, но оваа сезона со низа турболенции беше тешко да се избори опстанокот, а враќањето на Горан Тодорчев на местото тренер на тимот беше доцна за да може да ги донесе потребните резултати.