Македонскиот репрезентативен голман Столе Димитриевски одигра уште една извонредна партија и беше клучен за бодот на Валенсија на гостувањето кај Мајорка (1:1) во 33. коло.
Домашниот состав поведе на стартот од второто полувреме преку Саму Коста, кој во 49. минута ја искористи невнимателноста во одбраната.
Сепак, гостите возвратија преку Садик во 67. минута и поставија конечни 1:1.
До крајот на средбата, Мајорка имаше неколку сериозни шанси, но Димитриевски беше непробоен. Со низа одлични интервенции, меѓу кои и неколку клучни одбрани, македонскиот чувар на мрежата го задржа својот тим во игра и му обезбеди важен бод.
🧤 ¡¡𝗣𝗮𝗿𝗮𝗱𝗼́𝗻 de Dimitrievski!! ❌ La tuvo Virgili para el segundo del Mallorca
⚽️🟧 EN DIRECTO #MallorcaValencia#LALIGAEASPORTS #TodoElFutbolEnOrange pic.twitter.com/tG2dNIkU00
— Orange Fútbol (@OrangeFutbol_ES) April 21, 2026
Валенсија дури имаше можност и за целосен пресврт во финишот, но не успеа да ја реализира шансата, па мораше да се задоволи со реми. По ова коло, „лилјаците“ се наоѓаат во средината на табелата, додека Мајорка останува веднаш зад нив.
