Младинците на Работнички 71&22 се новите шампиони во машка младинска конкуренција.
На завршниот турнир, чиј домаќин беше клубот во салата „Невена Георгиева Дуња“ во Скопје, тие во финалето со убедливи 3:0 (25:17, 25:10, 25:23) ја совладаа екипата на Весна Пробиштип и го освоија трофејот.
До финалето, Работнички 71&22 стигна по победата од 3:1 над Штип УГД, додека Весна Пробиштип во полуфиналето со 3:2 го елиминираше бранителот на титулата Струмица 47&72.
Во дуелот за третото место, струмичани со 3:0 (25:17, 25:23, 25:23) беа подобри од Штип УГД и го освоија бронзениот медал.
Со ваквиот расплет, заврши и долгогодишната доминација на Струмица 47&72 во младинските категории.
Ф4 МЛАДИНЦИ
ФИНАЛЕ
РАБОТНИЧКИ 71&22 – ВЕСНА ПРОБИШТИП 3:0 (25:17, 25:10, 25:23)
МЕЧ ЗА 3. МЕСТО
ШТИП УГД – СТРУМИЦА 47&72 0:3 (17:25, 23:25, 23:25)
КОНЕЧЕН ПЛАСМАН
1.РАБОТНИЧКИ 71&22
2.ВЕСНА ПРОБИШТИП
3.СТРУМИЦА 47&72
4.ШТИП УГД
