Тежок пораз за Караорман на гостувањето кај Кравари во меч од 14. коло на Трета лига – Југ. Како што претходно објави Спортска Мрежа во деталниот извештај за колото, овој пораз од 5:0 е тежок бидејќи Караорман во 49. минута остана со само шест играчи на теренот и со тоа не можеше да продолжи мечот.
Да биде уште поголем проблемот Караорман на овој меч беше со девет играчи и со толку играчи и го започна мечот што резултираше со пет примени погодоци во првиот дел.
Во 49. минута гостинот од Струга на терен остана со шест играчи и со тоа не можеше да го продолжи натпреварот.
„Во 49. минута, гостинската екипа остана со шест играчи на теренот и поради немање на доволен број на играчи, натпреварот не продолжи“, се вели во записникот од мечот.
Караорман, клуб кој е фудбалска гордост на Струга да не може да биде комплетен играчки на еден натпревар. Клубот пред две сезони испадна од Втора лига, иако имаше амбиции за експресно враќање, ништо нема од тоа.
Дополнително, Караорман е есенски шампион во Трета лига – Југозапад.
