Лидерот Влазними прокнижи нови три бодови откако на домашен терен со 2:0 го доби Кораб од Дебар во меч од 14. коло на Трета лига – Југозапад.
Двата гола паднаа во вториот дел откако Аљтин Лога погоди во 50. минута за 1:0, а десет минути подоцна погоди Пајазит Салиу за конечни 2:0.
Могила славеше домашен триумф над Напредок од Ношпал со резултат од 2:1. Гостинот со голот на Фатон Таировски од 24. минута го отвори резултатот, но во 44. минута Сашо Ристевски си постигна автогол за 1:1 на полувреме.
Во вториот дел следуваше комплетен пресврт преку гол на Андреј Марковски во 81. минута за конечни 2:1.
Мечот меѓу Кравари и Караорман не се доигра, бидејќи гостинот од Струга на теренот остана со шест играчи во 49. минута и со тоа не можеше да го продолжи натпревари, а при резултат од 5:0 за Кравари.
Стрелци беа Иван Иванов во 4. минута, Иве Трифуновски беше двоен стрелец, а по еден гол постигнаа Александар Петковски и Марјан Котевски.
Демир Хисар со минимални 1:0 славеше над Света Троица со што трите бодови останаа дома.
Во однос на табелата на првото место е Влазними со 31 бод и сигурно оди кон баражот за Втора лига, на втората позиција е Славеј од Мешеишта со 26 бодови, Могила е трета и има 25 гола.
