Пелистер го очекува исклучително важен меч против Арсими во гости, кој доколку го добие тогаш дефинитивно ќе има отворен пат кон опстанок во Првата лига.
Шефот на стручниот штаб на Пелистер, Марјан Секуловски истакна дека Арсими е квалитетен противник, вели дека генерално се подготвуваат за меч на кој ќе мора да го дадат максимумот за трите бодови.
„Следен противник ни е Арсими, се подготвуваме на ист начин како и за претходните натпревари. Станува збор за квалитетен ривал, искусна екипа, македонските играчи му имаат поминато низ сите екипи од западна Македонија кои што постоеле и постојат во овој момент, со неколку интернационалци. Наша задача е да го дадеме максимумот како на секој натпревар, да бидеме борбени, да бидеме агресивни и дисциплинирани, да се потрудиме да ги искористиме нивните слабите страни. Генерално се подготвуваме за еден натпревар на кој ќе треба да го дадеме максимумот“, изјави Секуловски.
Арсими е седми на табелата со 32 бодови, а пак Пелистер е деветти односно во бараж зоната со 26 бодови.
