Ништо од дербито во Кичево, Влазерими со 0:3 славеше убедливо над Напредок, а трите гола беа постигнати во вториот дел, во рамки на 16. коло на Трета лига – Запад.
Лабинот Елези во 58. минута погоди за водство на Влазерими, а во 69. минута Леонтин Бајрами постигна гол за 0:2. Во самиот финиш односно во 88. минута Елези постигна уште еден гол за конечни 0:3.
Речица ја доби голеадата против Дрита славејќи со резултат од 5:2. Двојни стрелци во високата победа на домаќинот беа Мубарек Шасивари и Емран Матоши, а еднаш погоди Зијад Јусуфи.
За гостинскиот тим двоен стрелец беше Артим Рамадани.
Реми од 2:2 на Ренова и Љуботен за делба на бодовите. Абдулахи и Ибрахими беа стрелци за домашниот тим, за гостинскиот Петровски и Билбилоски.
Убедлива победа за Вардар, трите бодови остануваат во Брвеница откако со 5:2 домаќинот беше подобар од Доброшти.
За домашниот тим Костадиноски постигна два гола, а по еден гол постигнаа Јованоски, Богдановски и Ангелески, за гостинот двапати погоди Хашими.
Неверојатен меч одиграа Џепчишти и Камјани – без победник со шест гола за конечни 3:3. Лидерот во финишот остана без трите бодови.
Агон Селмани и Дрин Рустеми погодија за 2:0 на полувреме, а во вториот дел се случи комплетен пресврт. Хузри Џемаили, Рамадан Шерифи и Ебубекир Азиз погодија за комплетен пресврт во 12 минути за 2:3. Во 90. минута Беким Садики го шокираше лидерот Камјани за гол за конечни 3:3 и делба на бодовите.
На врвот е Камјани со 37 бодови, а втор е тимот на Влазерими со 35 бодови, но тимот од Кичево има меч повеќе во однос на лидерот.
