Младата репрезентација на Македонија до 17 години беше поразена од Германија со 2:1 на стартот од главната рунда во елитните квалификации за пласман на Европското првенство.
Германската селекција одлично го отвори натпреварот и уште во третата минута дојде до водство преку Мирза. Домаќините продолжија со офанзивната игра, а во 25. минута Веит ја зголеми предноста на 2:0, резултат со кој се замина и на полувреме.
Во вториот дел, македонските фудбалери заиграа поагресивно и успеаја да намалат во 63. минута, кога Џангаровски се запиша во листата на стрелците за 2:1. До крајот на натпреварот, нашата селекција се обиде да стигне до израмнување, но Германија успеа да ја зачува предноста и да ги освои трите бода.
И покрај поразот, Македонија покажа борбеност и остава простор за оптимизам во продолжението од квалификациите.
Утре го играат вториот натпревар со селекцијата на Франција со почеток од 16 часот каде ќе се обидат да издвојуваат победа на овие квалификации, и на 31 ќе го играат последниот натпревар против селекцијата на Словенија со почеток од 16 и 30 часот.
Само првопласираната селекција ќе се пласира на ЕП за играчи до 17 години.
