Македонската фудбалска репрезентација утре ја очекува еден од најзначајните натпревари во поновата историја – полуфиналниот бараж против Данска, кој ќе се одигра на стадионот „Паркен“ во Копенхаген.
Влогот е огромен – победникот ќе обезбеди пласман во финалето од баражот за Светското првенство, каде ќе се соочи со подобриот од дуелот меѓу Чешка и Ирска.
Иако Данска важи за фаворит, македонските фудбалери заминуваат со јасна цел – да приредат изненадување и да направат нов чекор кон историски успех. Селекторот Гоце Седлоски ги финализира плановите околу составот и тактиката, со кои Македонија ќе се обиде да одговори на силниот противник.
Историјата на меѓусебните дуели покажува изедначена слика. Двете селекции досега одиграле три натпревари – Македонија има една победа, Данска една, а еден меч завршил без победник. Последниот дуел, одигран во 2013 година, им припадна на „црвено-жолтите“ со убедливи 3-0.
Дополнителен мотив за нашите репрезентативци ќе биде и поддршката од трибините, каде се очекува присуство на околу илјада македонски навивачи, кои ќе бидат значаен ветер во грб во обидот да се освои Копенхаген.
Пред Македонија е тежок, но и инспиративен предизвик – натпревар во кој може да се испише нова страница во историјата на македонскиот фудбал.
