Форца со убедлива победа од 9:5 го декласираше Бутел за комплетирање на 14. коло во Првата футсал лига, а играч на натпреварот е Берат Рамадани кој „тресна“ пет погодоци во мрежата на скопскиот тим и го реши натпреварот.
Двоен стрелец за Форца беше Руфат Чалафи, а по еден гол постигнаа Јасир Зекири и Артан Јунузи.
За тимот на Бутел двојни стрелци беа Андреј Јаневски и Владимир Трендафиловиќ, а пак по еден гол постигнаа Владимир Мојсовски.
Форца останува трета со 25 бодови, а пак Бутел е петти со 18 бодови.
Веќе се е решено – Проект е нов шампион, а Балкан и Мал Ајакс на четири кола до крајот имаат сериозен проблем за опстанок и извесно е дека екипите ќе имаат експресно испаѓање.
