Македонскиот прволигаш Шкупи е единствениот тим во Европа која нема триумф во сезона 2025/2026, барем во најдобрите шампионати.
Тимот од Чаир по 24 одиграни кола во Првата македонска фудбалска лига има 23 порази и едно реми и со еден освоен бод е на дното на табелата.
Таман денес се чинеше дека Шкупи ќе се израдува на првата сезонска победа, кога имаше два брзи гола против Башкими, сепак не издржа, кумановскиот тим и со играч помалку му даде три гола и го совлада со 2:3.
Поранешниот шампион на Македонија веќе е спакуван за испаѓање во Втора лига и во следните кола и математички ќе биде потврдено испаѓањето на тимот од Чаир во Втората македонска фудбалска лига за сезона 2026/2027.
Клубот се соочува со сериозни проблеми, а најголем проблем е блокадата за трансфер од ФИФА поради неисплатени плати, па тоа беше и најголем проблем тимот да се засили во обид да се бори достојно за опстанок.
Веќе се е јасно – Шкупи нема сили за опстанок, а до крајот ќе остане само борба дали ќе може барем до еден триумф пред да се одјави од Прва лига.
