Утре започнува пролетната полусезона во Третата македонска фудбалска лига – Исток со натпреварите од 12. коло. Познати се и судиите кои ќе ја делат правдата на натпреварите.
Во Делчево ќе се одигра натпреварот меѓу Брегалница и Ударник од Пирава, а правдата на овој меч ќе ја дели Тоше Џамов, а ќе му помагаат Кирил Јованов и Мики Ѓеоргиевски. Контролор на средбата ќе биде Драган Јаневски.
Во Струмица каде ќе одигра натпреварот меѓу Тиверија и Овче Поле од Свети Николе, правдата ќе ја дели Блаже Петковски, а негови асистенти ќе бидат Илија Атанасов и Андон Михајлов, додека пак Илија Стефанов ќе биде контролор.
ПРОБИШТИП ОСТАНУВА БЕЗ ФУДБАЛ – РУДАР НЕМА ДА ПРОДОЛЖИ ВО ТРЕТА ЛИГА – ИСТОК?
Иван Јанев ќе биде главен на стадионот „Кукуш“ каде ќе играат Хоризонт Турново и Дојранско Езеро, а негови помошници ќе бидат Игор Филипов и Цане Давитков.
По откажувањето на Светлост од Зрновци од натпреварување, како и на Рудар од Пробиштип, екипите на Карбинци и Малеш се слободни, а слободна ќе биде и екипата на Победа од Валандово.
