Пробиштип останува без сениорски фудбал, ФК Рудар нема да продолжи со натпреварување во Трета лига – Исток?
Според информациите на Спортска Мрежа, овој клуб и натаму нема се уште потврдено дали ќе продолжи со натпреварување, а според наши информации клубот од Пробиштип ја нема платено котизацијата за пролетниот дел, додека сите останати клубови ја завршиле оваа обврска и ја платиле котизацијата.
Како што претходно објави Спортска Мрежа, Рудар не го одиграни ниту одложениот меч од последното есенско коло со Хоризонт Турново, кој требаше да се одигра минатиот викенд со што поранешниот прволигаш од Турново доби службени три бода.
Во Трета лига – Исток претходно се откажа екипата на Светлост од Зрновци, а пред стартот на сезоната Вардарски од Богданци кој минатата сезона испадна од Втора лига не пријави учество во Трета лига – Исток. Сезоната започна со 11 екипи, а ќе продолжи со девет екипи.
Ова ќе биде поразително за Пробиштип што останува без сениорски фудбал, притоа ако се земе фактот што Рудар минатата сезона не се натпреваруваше во Трета лига – Исток, оваа сезона пријави учество и настапуваше во третолигашкиот шампионат, но во пролетниот дел нема да продолжи со натпреварување?
И во минатото имало сезони кога Рудар не бил активен со сениорскиот тим во Трета лига.
