Второлигашот Шкендија Арачиново во четвртфиналето од Куп на Македонија ќе се соочи со прволигашот Работнички, но натпреварот нема да се одигра на „Хасанбег арена“ во Скопје. Наместо тоа, дуелот ќе се игра на стадионот на Башкими во Куманово.
Причината за оваа промена е недостигот од имплементирана ВАР-технологија на „Хасанбег арена“, каде што Шкендија Арачиново ги игра своите домашни натпревари. Поради тоа, раководството на клубот од Арачиново информираше дека четвртфиналната пресметка од Купот ќе се одигра во Куманово.
Воедно, од ФК Шкендија Арачиново изразија искрена благодарност до раководството на ФК Башкими за подготвеноста и континуираната поддршка, истакнувајќи дека вратите на клубот од Куманово им се отворени секогаш кога тоа е потребно.
Натпреварот ќе се одигра на 25 февруари (среда) од 14 часот.
