Арсими денес во рамки на 19. коло на Првата македонска фудбалска лига ќе се соочи со Шкупи, во обид да стигне до прв пролетен триумф.
Натпреварот е важен за Арсими во битката за директен опстанок во елитата, а мечот со Шкупи го игра како формален гостин на Градскиот стадион во Гостивар, што ќе биде дополнителна предност.
Фудбалерот на Арсими, Арѓент Гафури вели дека мечот против Шкупи за нив е многу важен, имаат почит кон секој противник и се надева на позитивен резултат.
“Нѐ очекува многу важен натпревар против Шкупи. Иако во моментов не се наоѓаат во најповолна позиција на табелата и не минуваат низ најдобар период, тоа воопшто не го менува нашиот респект кон нив. Шкупи е клуб со историја, традиција и квалитет во составот. Свесни сме дека ќе биде цврст натпревар и на теренот ќе го дадеме максимумот. Го почитуваме секој противник, но нашиот фокус е на нашата игра, на позитивен резултат и на продолжување на патот кон нашите амбиции.”
Натпреварот започна во 14 часот.
