Ракометарките на Драчево Јуниор со убедливи 37:29 славеа над Аеродром во рамки на првата пролетна рунда во Првата ракометна лига.
Играта гол за гол беше карактеристична некаде до 15. минута од мечот, кога Драчево Јуниор започна да гради резултатска предност односно плус четири при 14:10, а на полувреме предноста беше 17:13.
Во вториот дел Аеродром го губеше резултатскиот чекор и немаше сили за изненадување, па го загуби мечот со осум разлика односно 37:29.
Филип Петровски со осум голови беше прво име кај Драчево, а со шест се истакна Александар Стојменов. Кај Аеродром 11 погоди постигна Бојан Божиновски, но не доволно за позитивен резултат.
