Овој викенд ќе се одиграат натпреварите од 5. коло на Втората футсал лига на Македонија, кое ќе биде отворено во петок со три натпревари, в сабота ќе се одиграат два, а ќе се затвори в недела со еден меч.
Во петок ССК Скопје на домашен терен ќе се соочи со екипата на Енхалон во дуел на две екипи кои ќе се соочат за втората сезонска победа. Дербито на колото ќе го одиграат Кораби и ланскиот прволигаш Овче Поле.
Двете екипи немаат право на грешка во оваа меѓусебно соочување бидејќи и двете екипи ги сакаат првите две места за влез во Првата футсал лига. Овче Поле отворено сака експресен камбек во футсал елитата на Македонија.
Дерби од дното на табелата ќе се одигра во Кратово, ова ќе биде дерби за први бодови и прва победа на Кратово и ланскиот прволигаш Карадаку, две екипи кои се во најлоша форма и со катастрофален старт.
В сабота во Прилеп ќе се соочат Победа и Каршиака, во натпревар каде Победа која тргна убедливо на првиот натпревар но потоа нанижа три порази ќе ја бара втората радост.
Во Штип лидерот Мал Ајакс како голем фаворит ќе игра против екипатана СЕЕ Университи од Тетово. Штипјани се на врвот од табелата со максимални 12 бодови и сакаат влез во Првата футсал лига. Мал Ајакс состави млад тим со свои играчи и засега им оди одлично.
В недела колото ќе се комплетира во Брвеница каде ќе играат Партизан Југ и Балкан, каде практично се очекува неизвесен меч со голема борба за трите бодови.
- ЦЕЛА ТАБЕЛА ОД ВТОРАТА ФУТСАЛ ЛИГА ПРЕД 5. КОЛО:
