Денес во просториите на Ракометната федерација на Македонија се оддржа извлекувањето на паровите од женскиот Куп на Македонија.
Формирани се четири групи, од кои три групи имаат по четири екипи, а една група е со три екипи. Според извлекувањето во групата А екипата на Спартак ќе игра со Шампион, а пак Металург Автокоманда против Стружанка.
Во групата Б Астибо оди на соочување со Куманово, Чаир против Ѓорче Петров 2.
Во групата В екипата на Скопје како голем фаворит ќе игра против тимот на Гевгелија, додека бранителот на Куп титулата Ѓорче Петров ќе игра против Деспина.
Во групата Г ќе бидат три екипи, а Пелистер како голем фаворит ќе игра против Овче Поле, а Вардар е слободен и ќе го чека победникот.
Според системот за натпреварување, победниците од двата натпревари во секоја група ќе се соочат меѓусебно и победникот на групата патува во полуфиналето.
