Пролетниот дел од женската ракометна Суперлига ќе донесе неизвесна борба за шампионската титула, но ако на стартот од сезоната рамноправно трката ја водеа три екипи од последното есенско коло, во пролетниот дел ќе продолжат две екипи.
Едната веќе излегува од „шините“ кои возат кон шампионската титула, а на истите „шини“ остануваат две екипи кои ќе возат по шампионскиот пехар, а до истиот патот ќе го пронајде само една екипа.
Егзодусот кој се случува во Металург Автокоманда и серијата заминувања на ракометарки од овој тим сериозна ја нарушува конкуренцијата и можноста да се оди борба за шампионската титула.
Одлична есен имаше тимот од Автокоманда, но ќе има „пеколна“ пролет – по заминувањето на повеќето искусни ракометарки тимот ќе „отпадне“ од сериозна трка за титулата.
Борбата ќе се сведува на Чаир и актуелниот шампион Ѓорче Петров, кој ќе го искористат за жал моментот на Металург Автокоманда кој е во незавидна ситуација и ќе се засилуваат, па во пролетниот дел ќе водат борба за бодови и остварување на целта – шампионска титула во домашниот шампионат.
Во секој случај ќе има натпревари на кои ќе се води вистинска борба и тоа ќе понуди неверојатна пролетна за тоа кој да биде шампион – дали „лавиците“ ќе ја одбранат титулата или пак Чаир ќе ја смести во своите витрини.
