Второлигашите Победа Валандово и Слободен одиграа квалификациски меч во рамки на Купот на Македонија, а на кој домаќинот славеше со голот на Викторија Петкова постигнат во 62. минута, со што Победа Валандово обезбеди место во осминафиналето од Купот на Македонија.
Домашниот тим беше подобар против дебитантот кој за првпат игра и во Втората женска фудбалска лига.
Со ждрепка ќе се одредат двојките за осминафиналето од фудбалскиот Куп на Македонија во женска конкуренција.
Согласно членот 15 од пропозициите за Купот на Македонија во женска конкуренција, Куп натпреврувањето во сезона 2024/2025 се организира во два дела, односно квалификации од осминафинале во зависност од бројот на пријавени екипи и вториот дел натпревари од осминафинале до/и финалниот натпревар.
Во квалификациите до осминафинале учествуваат задолжително, екипите кои во натпреварувачката 2023/2024 оствариле пласман од трето до петто место на конечната табела во Втората женска фудбалска лига, по пријава, екипите од Втората женска фудбалска лига кои во натпреварувачката сезона 2023/2024 се натпреварувале, оставариле пласман на конечната табела на 6 место и по 6 место и не се откажале натпреварување, по пријава, новопријавени екипи во Втората ЖФЛ (случајот до дебитантот Слободен).
Доколку вкупниот број на екипите кои се вклучуваат во квалификации (задолжително и по пријава) е помал од 8 а поголем од 4 во натпреварувањето задолжително се вклучуваат до вкупно 8 екипи.
Доколку вкупниот број на екипите кои се вклучуваат (задолжително и по пријава) е поголем од 8, квалификациите се организираат преку диригиран ждреб со предност за екипите од Втора ЖФЛ се до добивање на 4 победници. Во случај на откажување од натпреварувањето на клубот му се одземаат три бода во рангот на натпревари во кој што се натпреварува.
