Тимот на Бутел одигра одличен натпревар во Штип каде забележа победа во последниот меч од осмото коло на Првата футсал лига славејќи над Астибо со 3:5.
Гостинот имаше 0:2 на полувреме со погодоците на Никола Илијоски и Лазар Пеев. Во вториот дел Иса Дурмишов намали на 1:2 во 23. минута, но по минута игра Пеев со втор гол обезбеди 1:3.
Во продолжението од мечот гостинот стигна и до 1:4 преку голот на искусниот Нико Пластиновски, а до крајот на мечот за домашниот тим Теодор Наков беше двоен стрелец, а пак за гостинот погоди Дарко Додевски.
Бутел сега е четврти со 13 бодови на своето конто, а пак Астибо останува на дното со три бодови.
