Тимот на Порта ЕУ Фреит Оне вечерва забележа две големи победи една по друга на турнирот во мал фудбал „Стојаково 2025“. Радовишани на првиот меч со 11:4 го декласираа Тобако Лени, тим кој беше инфериорен противник да го запре налетот на Порта ЕУ Фреит Оне.
Веќе во вториот меч тимот од Радовиш забележа уште една победа, овој пат потесна, но одново сигурна. Порта ЕУ Фреит Оне славеше со 5:3 над Пролетер од Стојаково.
Кај јуниорите во генерација 2012/2023 екипата на Кирил и Методиј со 1:6 загуби од Уни Глобал, а пак мечот меѓу Mild Home Store и Vibe Bar од генерација 2010/2011 заврши без победник со по еден гол (1:1).
Утре на програмата се четири натпревари. Кај јуниорите генерација 2016/2017 од 18 часот Жика од Стојаково против МК Гевгелија, пола саат подоцна Џокер Фурка против Џоко Чона од Гевгелија меч од генерација 2012/2013.
Кај сениорите од 19 часот екипата на Кафе Бар Проект од Јосифово оди на мегдан против Десива Транспорт од Богданци, додека пак од 19:45 часот Баламов Компани од Негорци ќе игра со Електро Петар од Гевгелија.
