Ракометарките на Овче Поле Славјански Универзитет со убедливи 33:10 го декласираше тимот на Јехона, во меч од 11. коло каде уште од самиот почеток се беше решено кога е во прашање победникот и освојувањето на бодовите.
Најдобриот стрелец во Првата ракометна лига во женска конкуренција, Анастасија Сентовска имаше свое шоу со 14 постигнати погодоци, а пак Јована Ангелковска постигна десет погодоци, кај гостинскиот тим Алтина Хасани ги постигна седумте од десет гола.
Екипата на Ѓорче Петров 2 со убедливи 27:20 славеше над Деспина на домашен терен, а и на овој меч уште од самиот почеток домашниот тим започна да гради сериозна предност од три до четири гола. Но, почетокот од вториот дел донесе топење на разликата кога резултатот дојде на 11:11 со двата гола на Мери Гичева.
Веднаш домашните ракометарки се разиграа и скокнаа на плус пет при 19:14, а до крајот на мечот само ја одржуваа предноста за конечни 27:20. Кај домашниот тим прво име беше Ангела Цветановска со шест гола, а ја следеа Цамара Мацире и Марија Димоска со по пет гола. Кај гостинскиот тим Мери Гичева беше прво име со осум гола.
Колото ќе се затвори на 11 декември со мечот меѓу лидерот Атлетик и Стружанка.
