Првата сезонска радост за Осогово стигна во петтото коло, откако синоќа во Крива Паланка, ланскиот финалист од Купот славеше над Јувентус Серава со 5:4.
Овој голем триумф за домашниот тим доаѓа на крилата на Кристијан Ивановски кој постигна четири погодоци за неговиот тим, а сите погоди ги постигна во вториот дел.
На полувреме гостинот имаше водство од 0:1 со голот на Фуркан Шабани, во вториот дел, Ивановски погоди четири пати за Осогово, а еднаш Кристијан Ристовски, додека пак за Јувентус Серава погоди Ќерим Мамуди, а во финишот на мечот двапати стрелаше Ќендрим Абази.
Тренерот на домашниот тим Бранко Павловски во осум минути заработи два жолти картони и мораше да ја напушти тренерската клупа, откако првиот жолт го доби во 32. минута, а вториот во 40. минута.
Правдата на мечот ја делеа Дарко Радески од Брвеница и Метин Османи од Тетово.
Осогово стигна до своите први бодови односно има учинок од една победа и три порази, а пак Јувентус Серава со шест бодови останува шести.
