Ждрепката за осминафиналето во ЕХФ Европскиот Куп се одржа денес во 11 часот, и одреди дека Охрид ќе се соочи со чешкиот тим Дукла Прага.
Првиот меч ќе се одигра пред домашната публика на 14 или 15 февруари, додека реваншот е закажан за 21 или 22 февруари во Прага. Победа над чешкиот ривал ќе биде најголемиот клупски успех на охридските ракометари во европските натпревари.
Во претходните две кола, избраниците на тренерот Борис Ројевиќ покажаа импресивна форма, елиминирајќи го Баку од Азербејџан со разлика од 50 голови, како и Слога Добој од Босна и Херцеговина со 42 голови разлика.
Ривалот на Охрид, Дукла Прага, исто така имаше силен пат до осминафиналето, откако ја елиминира грчка- Драма, а во второто коло ја совлада романска Констанца.
ЕХФ Европски Куп, осминафинале:
Охрид (Македонија) – Дукла Прага (Чешка)
Олимпијакос (Грција) – БК46 (Финска)
Карвина (Чешка) – Балатонфуреди (Унгарија)
Целје (Словенија) – Бешикташ (Турција)
Извиѓач Љубушки (Босна и Херцеговина) – Тримо Требње (Словенија)
Брно (Чешка) – Бурса (Турција)
Татабања (Унгарија) – Рунар Сандефјорд (Норвешка)
Коњух Живинице (Босна и Херцеговина) – Бузау (Романија)
