Вечерва Вардар го очекува нов предизвик во Лигата на Европа- гостување кај хрватскиот тим Сесвете. Натпреварот започнува во 20:45 часот во салата „Јелковец“.
Сесвете се досега пријатно изненадување во ова натпреварување. По поразот од Вардар во Скопје со 32-27 во првото коло, хрватскиот тим остави впечаток со квалитетна игра, што потврди и во дуелите против Кристијанштад и Тулуз.
Вардар моментално е лидер на табелата со шест бода, додека Кристијанштад и Сесвете имаат по пет бода. Сосема е јасно дека трката за првите две позиции, кои водат во ТОП 16, ќе биде неизвесна до самиот крај.
„Црвено-црните“ ќе настапат со цел да ја задржат лидерската позиција и да покажат дека формата од стартот на Лигата на Европа не е случајна.
