Полициски службеници од Министерството за внатрешни работи го привеле 36-годишниот Ш.А. од село Арачиново, кој физички нападнал играч на Брегалница за време на натпреварот против Шкендија 77 на стадионот „Фортуна“ во Скопје.
Натпреварот беше од 13. коло на Втора лига, а се играше вчера.
„На 21.11.2025 во 13:50 часот на стадион „Фортуна“ во Скопје, полициски службеници од СВР Скопје го приведоа Ш.А.(36) од с.Арачиново, скопско, затоа што за време на фудбалски натпревар помеѓу екипите на ФК „Шкендија 77“ и ФК „Брегалница“ физички нападнал играч на ФК „Брегалница“. По целосно документирање на случајот, ќе следува соодветен поднесок.“
Натпреварот заврши со победа на Брегалница (1-2), а клубот од Арачиново би можел да се соочи со долга суспензија на теренот и парична казна.
