Борец спаси „глава“ во 92. минута откако Марко Миловановиќ го постигна голот вреден бод во Крушево за делба на бодовите, откако ланскиот второлигаш од Велес одигра 1:1 со Питу Гули.
Во рамки на 10. коло на Трета лига – Југ за домаќинот стрелец Адмир Угљанин.
Млекар со головите на Ангел Наумоски и Филип Аљакоски славеше победа од 2:0 над Башкими од Јаболичте.
Превалец на домашен терен со 5:2 го декласираше гостинот од Долни Дисан, Венец немаше сили да парира и забележа пораз.
Гостинот преку Димитриевиќ го отвори резултатот, но затоа до крајот на првиот дел резултатот беше 4:1. За Превалец погоди Петров, а од крајот Јордановски еден гол, а пак Стефан Коџабанов беше стрелец на три гола. За гостинот во 71. минута Цветков го ублажи поразот на 5:2.
Ултра со лото победа од 1:7 го „здрви“ Дреново во гости. За домаќинот погоди Стојанов, а пак за готинот Паноски беше стрелец на три гола, а во листата на стрелци се запишаа Мицевски, Славчо Стојчески, Баракоски и Јосиф Стојчески.
Со 5:2 славеше и Младост над Влазними Јуниор со што трите бодови останаа во Кривогаштани, двојни стрелци за домаќинот беа Јанчески и Декорски, а пак Стевче Ангелевски постигна еден гол, за гостинот двапати погоди Хабијл Ибраими.
Нов „кикс“ на Росоман реми со Бучин од 2:2. Шопески и Анѓелески беа стрелци за домаќинот за гостинот Куртишов и Миланов.
Борец е лидер со 25 бодови, но има меч повеќе од Превалец кој е втор со 22 бодови и Питу Гули кој е трет со 20 бодови.
