Многу погодоци и неверојатни натпревари донесе 5. коло на Општинската фудбалска лига во Струмица или Четврта лига по ранг на натпреварување.
Најмногу голови имаше во Радово каде екипата на Огражден славеше убедлива победа од 0:7 над „фенерџијата“ Напредок, кој беше инфериорен противник и немаше капацитет да го запре налетот на разиграниот гостин.
Благодарение на двата гола на радовишанецот Бојан Иванов, лидерот Спартмани со 2:1 го доби Единство од Пиперово и со тоа тимот од Балдовци останува на врвот.
Во радовишко Злеово се слави големата победа на Слога, која на гостувањето кај Илинден во Добрејци славеше со убедливи 1:5.
Сабри Садилов беше двоен стрелец за Слога, а по еден гол постигнаа Оли Цеков, Рузгар Алемдар и Мите Стоименов.
Екипата на Интер Кукла слави минимална победа од 0:1 над Дрвош во гости.
На врвот останува непоразениот Спартмани со 13 бодови, а го следи Интер Кукла со 12 бодови како втор. На дното е Напредок од Радово без бодови.
