Ракометарите на Охрид пристигнаа во Турда, Романија, каде ќе го одиграат реванш натпреварот против Потаиса Турда во рамки на ЕХФ Купот.
„Гладијаторите“ попладнево го одржаа првиот тренинг пред натпреварот кој ќе се одигра во сабота, а на кој охридските ракометари имаат шест гола предност.

Првиот натпревар во „Билјанини Извори“ кој се одигра на 19. октомври заврши со триумф за Охрид од 31:25, па со ваква солидна предност Охрид најавува дека ќе атакува и на триумф во Романија.
