Фудбалскиот клуб Работнички се реши за промени во стручниот штаб по серијата слаби резултати во Првата македонска фудбалска лига.
Клубот од Дебар Маало официјално потврди дека Алпарслан Ердем и Бобан Бабунски си заминуваат од тренерските функции.
„ФК Работнички ја прекина соработката со досегашниот шеф на стручниот штаб Алпарслан Ердем и тренерот Бобан Бабунски. Клубот им се заблагодарува за вредната и напорна работа и им посакува сѐ најдобро во иднина.“
Оваа одлука доаѓа по низа разочарувачки резултати, по кои „романтичарите“ паднаа во долниот дел од табелата. По 13 одиграни кола, Работнички има само седум бодови, со што се наоѓа на претпоследното место и го очекува тешка борба за опстанок до крајот на сезоната.
Двојката Ердем – Бабунски го презеде тимот со цел да ја стабилизира ситуацијата по заминувањето на Бојан Маркоски, но очекуваниот пресврт не се случи. Работнички нема победа на последните неколку натпревари, а токму тоа беше сигнал за управата дека се потребни нови промени.
Клубот најави дека новиот шеф на стручниот штаб ќе биде назначен во текот на репрезентативната пауза, а дебито ќе го има на тешкото гостување кај Шкендија во Тетово на 23 ноември.
Работнички се наоѓа во деликатна позиција, но во клубот веруваат дека со нова енергија и свеж пристап, екипата може да го избегне најлошото сценарио и да обезбеди опстанок во елитата.
