Екипата на Проект која е значително засилена и ќе води борба за враќање на шампионската титула и излез во Европа на домашен терен со убедливи 15:2 го декласираше дебитантот Балкан.
Домаќинот се покажа во фантастично издание и доминираше во текот на целиот натпревар, а победата беше најавена уште во првиот дел кога на полувреме резултатот беше 6:0.
Наум Блажевски и Марио Благојевски постигнаа по три погодоци, двојни стрелци беа Кристијан Гавровски и Трајче Димитриев, а по еден гол постигнаа Никола Анчевски, Горан Стојанов, Адријан Трајков, Мартин Тодоровски и Димитар Јанев.
За гостинот стрелци ба Пајтим Реџепи и Ибрхим Алији, кои стрелаа во второто полувреме.
Во следното коло тимот на Балкан на домашен терен ќе игра против Клими, а пак Проект ќе гостува во Штип кај повратникот во елитата, екипата на Мал Ајакс.
