Беласица го доби дербито на Истокот против Брегалница, откако славеше со минимални 0:1 среде Штип, благодарение на голот на Костадин Капсаров.
Овој триумф е многу важен за Беласица која продолжува да напаѓа за искачување на првото место на табелата во Втората лига.
Тренерот на Беласица, Панче Стојанов, во ексклузивна изјава за Спортска Мрежа истакна дека тие во Штип допатувале по победа и успеале во својата цел, но за Спортска Мрежа, Стојанов истакна дека не е задоволен од играта, бидејќи како што вели неговиот тим може многу повеќе.
„Задоволни сме од резултатот сигурно, дојдовме да победиме и во тоа успеавме. Инаку, гледајќи ја играта не сум задоволен, сигурно е дека мојата екипа може многу повеќе. Но, најважно од се е тоа што овие дерби натпревари не се играат туку се добиваат. Излеговме со една цел, да го добиеме натпреварот имавме и среќа при промашениот пенал на противникот, а на крајот не посака среќа и дадовме еден гол и го добивме натпреварот. Ќе кажам уште еднаш од играта не сум задоволен, има доста работи што треба да се поправат, но на крај штом победуваше тоа е одлично“, вели тренерот на Беласица, Панче Стојанов во изјава за Спортска Мрежа.
Беласица сега е на 4. место на табелата со 25 бодови, седум помалку од лидерот Шкендија Арачиново. Во следното коло Беласица дома ќе игра против Новаци, а пак Брегалница ја очекува дерби кај лидерот Шкендија Арачиново.
