В недела ќе бидат одиграни натпреварите од 7. коло на Трета лига – Југ, а веќе се делегирани и судиите кои ќе ја делат правдата.
Во Кривогаштани ќе се соочат Младост и Млекар, а за правдата ќе биде задолжен Душко Стојсавлевиќ, а негови помошници ќе бидат Филип Боцески и Кире Кулески.
Дербито меѓу Росоман и Питу Гули ќе го суди Методија Костов, а ќе му помагаат Мирко Најдов и Виктор Миланов.
Влазними Јуниор дома ќе се соочи со фаворитот Превалец, а правда ќе делат Атанас Таневски како главен судија и помошниците Зоран Ангелов и Ване Данилов.
Тополка на домашен терен ќе се соочи со Дреново, а судиска тројка на овој меч ќе биде Дарко Макалоски и помошниците Драган Јончески и Христијан Трајкоски.
Во Велес ќе се соочат Борец и Башкими од Јаболчиште, а правда ќе дели Драган Стевановски и неговите помошници Александар Ајдаров и Роберт Црвенов.
Во Долни Дисан главен судија ќе биде Тоше Ицев, а ќе се соочат Венец и Ултрас. Негови помошници ќе бидат Драган Трпчевски и Гони Гурев.
Во рамки на 7. коло во Трета лига – Југ, слободна ќе биде екипата на Бучин.
