Во сабота, во спортската сала „Боро Чурлевски“ во Битола, со почеток во 16 часот, ќе се одржи 15. издание на Меѓународниот боксерски турнир „Битолски победник“.
На турнирот ќе настапат боксерски екипи од Македонија и од повеќе балкански земји, меѓу кои и битолските шампиони од клубот „Пелистерски Јунак“, носители на златен и сребрен медал од Опен Балкан шампионатот што неодамна се одржа во Пале, Босна и Херцеговина.
Со одржувањето на 15. издание, турнирот „Битолски победник“ го зацврстува своето место како една од најзначајните боксерски манифестации во регионот. Настанот претставува одлична можност за младите таленти да се наметнат на меѓународната сцена и да ги измерaт силите со најдобрите од Балканот. Битола уште еднаш ќе покаже дека е град со спортска традиција и љубов кон боксот и воопшто дека е спортски град. Со новата сала и поддршката од локалната заедница, иднината на битолскиот бокс изгледа светла.
