Овој викенд фудбал ќе нема поради локалните избори, но не само фудбал туку најголем дел од спортските натпревари ќе се одложат.
Одложување на спортските натпревари е на барање на Министерството за внатрешни работи (МВР) поради одржувањето на локалните избори кој се закажани за 19 октомври (недела), а вториот круг од истите ќе биде на 2 ноември, исто така недела.
Поради тоа дел од клубовите покрај тренинзите „слободниот“ викенд ќе го искористат и за одигрување на пријателски натпревари со цел проверка на формата.
Ваквата пауза за некои екипи ќе биде и добредојдена пред се кај екипите кои имаат лоша резултатска серија, како прволигашот Пелистер каде новиот тренер Милан Стојановски ќе треба да го извлече Пелистер од резултатската криза и да го врати на победничките шини.
Од друга страна, Панче Стојанов, кој пак е нов тренер на Беласица, по оставката на досегашниот тренер Александар Стојанов, ќе добие на време да се запознае со екипата и истата да ја подготви за следните предизвици.
Второлигашите Слога Виница и Преспа кои се во длабоки резултатски кризи ќе добијат на време не само за подготовки, туку и за многу повеќе кога е во прашање внатрешната атмосфера, но и да се изнајде заеднички модул како да стигнат до нивно само второ сезонско славје.
