Македонскиот ракомет денес загуби еден од своите најголеми ракометни легенди – Илија Темелковски, човек кој целиот свој живот и работен век го посвети на развојот на ракометот во земјава. Веста за неговата смрт ја соопшти Ракометната федерација на Македонија (РФМ), која упати искрено и длабоко сочувство до семејството на Темелковски
Погребот ќе се одржи утре (14 октомври 2025 година) во 11:00 часот на Градските гробишта во Бутел.
Темелковски остави длабока трага во македонскиот ракомет како селектор со кој младинските репрезентации ги постигнаа своите најголеми успеси – на Европското првенство во 2002 година и на Светското првенство во 2017 година. Тој беше и селектор на машката сениорска репрезентација на едно од најуспешните Светски првенства за Македонија во 2009 година.
На клупски план, Темелковски беше најтесно поврзан со екипата на Пролет, каде што работеше со огромна посветеност сè до својата смрт.
Македонскиот ракомет ќе го памети како човек со визија, знаење и неуморна љубов кон спортот.
