ТАБЕЛА: Брегалница и Шкендија Арачиново израмнети на врвот, неколку екипи со значаен прогрес!

По осум одиграни кола во Втората лгиа екипата на Брегалница е на врвот со 20 бодови, колку што има и Шкендија од Арачиново, која пак поради полошата гол разлика е на втората позиција. Двете екипи остануваат единствените кои не се поразени и по осум одиграни кола.

Беласица останува на третатата позиција откако забележа два порази во низа со 16 бодови, но сепак има четири бода негатива од водечките екипи и струмичани и натаму се блиску при самиот врв. Најмногу искористи Охрид во рамки на осмата рунда, па така популарните „рибари“ се пробија до четвртото место со 15 бодови, или пет помалку од првата позиција.

По 14 бодови имаат Скопје и Детонит Плачковица за делба на петтото место, а пак со по 13 бодови се три екипи односно Кожуф, Осогово и Новаци.

Каменица Саса со важен триумф над Преспа дојде до десеттото место со 10 бодови, а пак Вардар Неготино кој е во барж зоната на своето конто има девет бодови и се наоѓа на 11-тото место.

Во зоната за директно испаѓање промени нема, истата петорка и натаму. Тетекс и Победа имаат по седум бодови, а пак Слога Виница, Преспа и Големо Коњари со по три бодови се на дното од табелата.

Сите екипи по осум кола забележаа барем по еден триумф, најмногу имаат по шест екипите на Брегалница и Шкендија Арачиново, а токму овие две екипи се без порази, а пак со најмногу порази се Слога Виница, Преспа и Големо Коњари по вкупно седум порази, а токму овие три екипи имаат и најмалку победи, по само една. Во однос на самата гол разлика најмногу погодоци има постигнато Скопје, 21 гол, а најмалку примени имаат Брегалница и Кожуф по четири гола.

Негатива гол разлика имаат шест екипи, со најмалку постигнати погодоци е Големо Коњари, само три погодоци, а најмногу примени има исто така Големо Коњари, вкупно 27 примени погодоци.