По убедливата победа на ГРК Охрид против Баку во првиот натпревар од третото коло во ЕХФ Европскиот Куп, свое мислење за Спортска Мрежа сподели и словенечкиот интернационалец Тилен Стрмљан.
По мечот, тој истакна дека тимот од самиот почеток влегол максимално подготвен и фокусиран, без потценување на противникот.
,, Од самиот почеток влеговме стопроцентно во натпреварот, знаеме дека ако не се влезе со 100% во секој меч може било што да се случи..повреда или било што..така што навистина сериозно пристапивме кон овој натпревар, мислам дека одигравме една солидна партија во одбраната, однапред погодивме неколку лесни голови и сметам дека победата е заслужена. “ – изјави Стрмљан.
Охрид со оваа победа направи голем чекор кон следната рунда во европското натпреварување, а реваншот против Баку се игра утре во СРЦ „Билјанини Извори“.
