Осмото коло на Втората лига се затвара со вечерното дерби меѓу Брегалница и Скопје, дерби на две екипи кои претендираат за влез во Првата македонска фудбалска лига, а кое дерби е зачинето и со отварање на новата трибина на Градскиот стадион во Штип. По долго чекање конечно западната трибина може да се користи за публика.
Ова ќе биде соочување на стратезите Влатко Костов и Александар Таневски. Голема битка за трите бодови, дерби на два поранешни прволигаши, а амбиентот во Штип ќе биде посебен, бидејќи по неколку сезони пауза одново светнаа рефлекторите во Штип на официјален меч.
Следете го во живо дербито од Штип, во пренос овозможен од Фудбалската федерација на Македонија, а коментатор на натпреварот ќе биде Александар Ванев.
