Сатеска на домашен терен во рамки на 5. коло од Трета лига – Југозапад се соочи со ланскиот шампион Кораби од Дебар, кој не го помина баражот за враќање во Втора лига, а каде домаќинот со 4:1 запиша убедлива и превисока победа. Богданоски го отвори резултатот за 1:0 во 22. минута, а веднаш гостинот од Дебар израмни преку Амбари. Во вториот дел со двата гола на голгетерот Никола Секулоски вториот од пенал и голот на Цветаноски екипата на Сатеска дојде до конечни 4:1.
Ланскиот второлигаш Караорман одигра дуел против Преспа од Ресен, а од кој дуел домаќинот со голот на Ивица Ќелешоски запиша минимална победа од 1:0.
Евротип со 2:0 беше подобар од Демир Хисар откако стрелци на погодоци беа Јанакиевски и Кузманов.
Велешта на домашен терен играше против Светлост од Кукуречани, каде домаќинот со 5:1 го декласираше гостинот преку погодоци на Меритон Мерко, Шпетим Каба, Лум Ќира, Фартам Хани и Диели Каба, а за гостинот единствен стрелец беше Лазаревски.
Славеј во Мешеишта се соочи со Света Троица од Охрид во меч без победник и без голови (0:0) и поделба на бодовите.
Кравари против Влазними триумфираше со 2:0 во финишот на вториот дел Марцевски и Мерсими обезбедија три бодови за домаќинот.
