Шесттата рунда од Трета лига – Југ донесе интересни средби, Превалец на домашен терен ги одмери силите со Венец од Долни Дисан, каде домаќинот со 3:1 запиша голема победа. Домаќинот беше поконкретен во играта и реализира три шанси за убедлив триумф. Стефановски беше двоен стрелец за домаќинот, а гол даде и Крстев, за гостинот реализираше Ристовски.
Обршани на домашен терен против Слога бараше први бодови, меч кој не го дочека својот крај бидејќи во 60. минута беше прекинат при резултат од 0:1 со голот на Каришиќ. Домашниот тим натпреварот го започна со десет играчи, а во 60. минута поради повреда остана со недоволен фонд на играчи.
Дербито на колото го одигра поранешниот второлигаш Росоман против Големо Коњари, дерби каде трите бодови беа голем предизвик да се освојат на патот кон првото место и баражот за Втора лига, а триумф од 0:2 запиша гостинот со два гола во вториот дел. Сркески во 66. минута погоди за 0:1, аво 86. минута Имероски ги постави конечните 0:2. Од 79. минута домаќинот беше со играч помалку на теренот, откако Роналдо Фазлиов поради два жолти картони беше исклучен од игра.
Младост во Кривогаштани го пречека Питу Гули и запиша победа во меч со пет гол за конечни 3:2. Сите погоди паднаа во првиот дел откако Димоски и Деркоски погодија за 2:0, а потоа Алимоски намали на 2:1. Во 40. минута Китаноски постигна гол за 3:1, а пред крајот на првиот дел Алимоски со втор гол ги постави конечните 3:2.
Бучин на свој терен се соочи со новиот третолигаш Дреново каде ремизираше со четири гола за 2:2. За домашниот тим Евтимџиоски и Мицески беа стрелци, за Дреново двоен стрелец беше Мемедов.
Ултрас на теренот со вештачка трева во Прилеп го „столчи“ Вланими Јуниор со 9:2. Тасески постигна хет-трик, Јакопетревски и Свртиновски беа двојни стрелци, Тошески и Стојчески беа стрелци на по еден гол, а за гостинот погодија Фејзулаи и Велиоски.
Во рамки на 6. коло слободна беше екипата на Башкими 2008.
- ТАБЕЛА ТРЕТА ЛИГА – ЈУГ 6. КОЛО:
