Трета лигаФудбал

Хоризонт Турново со девет гола го декласираше Малеш, Овче Поле со нова висока победа, радост за Тиверија!

Сподели
ФОТО: Спортска Мрежа
Сподели

Победа од Валандово запиша нов триумф, овојпат во Зрновци, совладувајќи ја Светлост со 1:3, во рамки на 3. коло во Трета лига – Исток.

Ристо Миленковиќ беше херој на гостите, откако уште во 20. минута донесе водство кое остана активно до полувремето. Во вториот дел Миленковиќ повторно се запиша во листата на стрелците, зголемувајќи ја предноста на 0:2 во 60. минута. Девет минути подоцна Славче Митовски намали на 1:2, но конечните 1:3 ги постави Оливер Маринковиќ во 91. минута.

Во Пробиштип, Рудар и Карбинци ги поделија бодовите ремизирајќи 1:1. Гостите поведоа преку Христијан Крстов во 25. минута и со гол предност заминаа на полувреме. Во вториот дел Димитар Герасимов постигна гол за конечни 1:1. Натпреварот го одбележа судијата Тоше Џамов, кој подели дури седум жолти картони за Карбинци и три за Рудар.

Тиверија конечно се израдува на првиот триумф, совладувајќи го Дојранско Езеро во Дојран со 0:2. Никола Јорданов погоди во 41. минута за водство на полувремето, а Ристе Каралијски во второто полувреме ги постави конечните 0:2.

Овче Поле без проблеми ја совлада делчевска Брегалница на домашен терен со убедливи 4:0. Двоен стрелец беше поранешниот капитен на Осогово, Тоше Манов, кој погоди во 54. и 89. минута. Резултатот го отвори Емил Рунчевски во 45. минута, а во второто полувреме стрелаше и Никола Лазев.
Овој натпревар премиерно ќе може да го следите на Спортска Мрежа, во понеделник од 21 часот на нашиот YouTube канал.

Поранешниот вицешампион на Македонија, Хоризонт Турново, на стадионот „Кукуш“ го декласираше Малеш од Берово со убедливи 9:1. Играч на натпреварот беше Ѓорги Коцевски, кој постигна дури пет погодоци. Искусниот Дејан Блажевски, кој се врати од пензија и повторно ги облече копачките (како што претходно објави Спортска Мрежа), погоди двапати, а по еден гол постигнаа Александар Черкезов и Кристијан Маналов. За гостинот од Берово стрелаше Александар Мишовски во 18. минута.

Во рамките на третото коло слободна беше екипата на Ударник од Пирава.

Поз. Клуб ОН Поб Н Пор ПОС ПРИ ГР БОД
1 ЗС ОВЧЕ ПОЛЕ ➖ 3 3 0 0 9 1 +8 9
2 ФК РУДАР 1947 Пробиштип ➖ 3 2 1 0 4 2 +2 7
3 ФК ХОРИЗОНТ ТУРНОВО АД ➖ 2 2 0 0 12 3 +9 6
4 ФК ПОБЕДА Валандово ➖ 2 2 0 0 6 1 +5 6
5 ФК КАРБИНЦИ ➖ 3 1 1 1 3 3 0 4
6 ФК Брегалница 1926 🔼 3 1 0 2 5 7 -2 3
7 ФК ДОЈРАНСКО ЕЗЕРО 🔽 3 1 0 2 4 6 -2 3
8 ФК ТИВЕРИЈА 🔽 3 1 0 2 2 4 -2 3
9 ФК УДАРНИК 🔼 2 1 0 1 2 4 -2 3
10 ФК СВЕТЛОСТ ЗРНОВЦИ ➖ 3 0 0 3 2 8 -6 0
11 ОФК МАЛЕШ ➖ 3 0 0 3 3 13 -10 0
Сподели

Не пропуштајте

Ракомет

ФОТО: Богданци експлодира од радост! Младост ја запиша првата сезонска победа, „Млаз“ грмеше по триумфот над Струга!

Конечно радост во Богданци! Ракометарите на Младост 1977 ја забележаа првата сезонска победа во македонската ракометна Суперлига, откако во натпревар од 11. коло...

Ракомет

Охрид го скрши отпорот на Драгунас и се доближи до следната рунда!

Едно од најдобрите изданија на ГРК Охрид во завршните минути му донесе убедлива победа над Драгунас Клаипеда од 30-19 во првиот натпревар од...

Поврзани написи
Втора лигаФудбал

Охрид го чува врвот, Кожуф ја изненади Брера, Осогово на бод до Новаци

Охрид, Пелистер и Работнички со победи ја продолжија трката на врвот во...

Втора лигаФудбал

Втора лига пред важна есенска разврска: Врвот под притисок, средината во три бода, опасната зона засега недостижна за бегство

Дванаесеттото коло во Втората македонска фудбалска лига може да донесе промена на...

ФудбалФутсал

Кратово се израдува на првата сезонска победа откако ја декласираше Победа, Мартин Мишевски со пет гола

Футсалците на Кратово стигнаа до својата прва сезонска победа оваа сезона откако...

ФудбалФутсал

Црна Река како фаворит ќе го пречека дебитантот Шутка 1 во „Јасмин“

Црна Река утре на домашен терен во спортската сала „Јасмин“ во Кавадарци...

✕
error: Содржина е заштитена! Се забранува копирање на истата!