Прва лигаФудбал

Реми на дербито меѓу Струга Трим Лум и Шкендија – ВАР поништи два гола, Тиквеш конечно до триумф

Сподели
ФОТО: ФК Шкендија
Сподели

Вонредното 6. коло во Првата македонска фудбалска лига донесе многу возбудувања. Дербито меѓу Струга Трим Лум и Шкендија заврши без победник (1-1), со ВАР-технологијата во главна улога, додека Тиквеш конечно ја запиша првата победа во новата сезона, минимално со 1-0 против Шкупи.

На стадионот во Струга, актуелниот шампион и тетовскиот гигант одиграа дуел кој ќе се памети по драматичното второ полувреме. По мирни први 45 минути, Тамба со прекрасен соло-потег донесе водство за Шкендија во 53. минута. Стружани веднаш возвратија со серија шанси, а поништениот гол заради офсајд беше најава за она што следуваше. Во 79. минута Марјан Радески сигурно реализираше пенал за 1-1. До крајот, ВАР двапати им го поништи водството на домаќините, а во последните секунди падна и спорна ситуација со Ибраими, кој побара пенал, но арбитрите останаа на став дека нема основа за најстрога казна. Со ремито, Струга остана лидер на табелата, додека Шкендија се искачи во горниот дел.

Во Кавадарци, пак, Тиквеш стигна до првата победа сезонава, совладувајќи го тимот на Шкупи со 1-0. Искусниот Берат Садик ја искористи грешката на одбраната на гостите и погоди во 27. минута. „Црвено-белите“ имаа над 25 удари кон противничкиот гол, но блескавата партија на голманот Гроте ги остави чаирчани во игра. Сепак, Германецот во финишот доби директен црвен картон за груб старт над Садик, што дополнително ја отежна ситуацијата за неговиот тим. Тиквеш со оваа победа стигна до пет бодови и излезе од кризата, додека Шкупи останува единствената екипа без освоен бод во новата сезона.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот европски предизвик, откако остварија значајна победа во дербито против Еурофарм Пелистер....

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ Европскиот Куп, каде што за противник го има литванскиот Драгунас Клаипеда....

Поврзани написи
Втора лигаФудбал

Величков ќе суди во Битола, Ралевски го доби дербито Охрид – Беласица: Познати судиите за 12. коло во Втора лига

Фудбалската федерација на Македонија ги одреди судиите и службени лица за седумте...

Прва лигаФудбал

Седум бода од три меча: Башкими ја засили битката за опстанок со победа во Чаир над Шкендија Арачиново

Башкими ја продолжи добрата резултатска серија и со гостинска победа од 0:1...

Фудбал

Чеферин: Со Масар имаме одлична соработка, македонскиот фудбал е во добри раце

Претседателот на Европската фудбалска унија (УЕФА), Александар Чеферин, во интервју за Фудбалската...

ФудбалЧетврта лига

Спортска Мрежа дознава: Готен службено го доби мечот со Слога Злеово, три бодови во Подареш

Според ексклузивно информации на Спортска Мрежа вечерва и официјално беше донесена одлука...

✕
error: Содржина е заштитена! Се забранува копирање на истата!