Трета лигаФудбал

Куманово, Пчиња и Башкими Љуботен со моќен почеток, дербито заврши без победник!

Сподели
ФОТО: Спортска Мрежа
Сподели

Голгетерски се отвори новата сезона во Трета лига – Север со погодоци на сите натпревари.

Најубедлива победа имаше екипата на Пчиња која на домашен терен со 5:0 го декласираше тимот на Беса од Слупчане. Стојановски постигна хет-трик, а по еден гол постигнаа Димков и Тодоровски.

Куманово со убедлив триумф ја отвори сезоната откако во Доброшане со високи 4:0 го декласираше новиот третолигаш Беса од Сарај. Јавановски и Бакиевски беа стрелци за два гола предност на полувреме, а во вториот дел погодија Реџепи и Златковски.

Триумф од 0:4 славеше и некогашниот прволигаш Еуромилк ГЛ кој во новата сезона најавува амбиции за влез во Втора лига, а го доби Студеничани на стартот од новата сезона.

Искусниот голгетер Орхан Мифтар постигна два гола, а по еден Митров и Јаневски.

Во дербито на колото меѓу Фортуна и БВК Коњаре немаше победник, а беа постигнати по еден гол за поделба на бодовите (1:1).

Берат Исмаил постигна гол во 26. минута за водство на гостинот, а во вториот дел Агон Исмаили ги постави конечните 1:1.

Кадино со голот на Далибор Николовски во 71. минута го доби тимот на Ржаничино на домашен терен.

Новиот третолигашот Отља со пораз ја започна сезоната, откако дома загуби од Аеродром со 1:2. За гостинот Стојановски и Апостоловски беа стрелци за 0:2 а полувреме, а во вториот дел Љиридон Реџепи ги постави конечните 1:2.

Башкими Љуботен со убедливи 5:1 го декласираше тимот на Лопате, кој е нов третолигаш.

Херој на мечот е Бејтула Авдулаи кој постигна четири гола, а еден гол постигна Мстафа Јусуфи во 89. минута, за гостинот единствен стрелец беше Биљали Хасан во 46. минута.

Сподели

Не пропуштајте

Ракомет

(ФОТО) Лазаров го надмудри својот учител Червар – Алкалоид го урна Еурофарм Пелистер и се искачи на третото место!

Ракометарите на Алкалоид на домашен терен во го совладаа актуелниот вицешампион Еурофарм Пелистер со 30:28, во 11. коло од македонската ракометна Суперлига. Во...

Ракомет

ГРК Тиквеш ќе добие нов тренер, откако се раздели со Кристијан Грчевски

Суперлигашот ГРК Тиквеш ќе добие нов шеф на стручниот штаб, откако клубот од Кавадарци се раздели со Кристијан Грчевски, а одлуката за разделба...

Поврзани написи
ФудбалЧетврта лига

Спортска Мрежа дознава: Готен службено го доби мечот со Слога Злеово, три бодови во Подареш

Според ексклузивно информации на Спортска Мрежа вечерва и официјално беше донесена одлука...

Прва женска фудбалска лигаФудбал

Тиверија Брера како апсолутен фаворит против „фенерџијата“ Кочани, Скопје ќе го пречека Вардар

Викендот со мечевите од 14. коло завршува есенската полусезона во Првата женска...

Прва лигаФудбал

Лидерот Струга гостува во Штип, дерби на Вардар и Тиквеш, Силекс ќе бара бодови против Шкендија

Репрезентативната пауза заврши, фокусот е на 14. коло од Првата македонска фудбалска...

✕
error: Содржина е заштитена! Се забранува копирање на истата!