На стартот од новата сезона во Трета лига – Запад беа постигнати погодоци на сите натпревари, освен на мечот Порој каде новиот третолигаш Скендербеу и некогашниот прволигаш Ренова ремизираа без голови играјќи 0:0.
Доброшти славеше висока победа од 4:0 над Љуботен преку двата гола на Харис Сулимани и погодоците н Агон Хазими и Енсар Елези.
Камјани славеше гостинска победа над Дрита со резултат од 0:3 преку Хузри Џемаили кој погоди во 26. минута, а во финишот на мечот Сокол Исеини со два гола стави печат на силна победа.
Влазерими го доби дербито со Џепчишти со резултат од 2:1. Домашниот тим имаше два гола предност на полувреме, а стрелци беа Имери и Адили, а пак во вториот дел Зубери го ублажи поразот.
Речица забележа сигурна победа од 3:1 над Зајази на стартот од новата сезона. Иљази беше двоен стрелец за домаќинот, а гол постигна и Шасивари, а пак за гостинот Руфати беше единствениот стрелец.
Напредок на домашен терен забележа победа од 3:1 над Вардар од Брвеница, во меч каде домашниот тим имаше два гола предност на полувреме, а стрелци беа Котевски и Калевски.
На стартот од вториот дел Даутоски зголеми на три гола предност, а Спироски во 80. минута ги постави конечните 3:1.
